Friday, October 10, 2014

აგნესი

ვიდრე მარგარეტ ეტვუდის 800 გვერდიან წიგნს ვარ შეჭიდებული, მინდა გავიხსენო რამდენიმე წლის წინ წაკითხული წიგნები, რომლებზეც ყოველთვის მინდოდა დამეწერა, მაგრამ თავს ვერ ვაბამდი; ან შეიძლება ვიკავებდი კიდეც თავს, რადგან ყველაზე რთული შეყვარებულ წიგნებზე წერა ყოფილა, განსაკუთრებით მაშინ, თუ  წაკითხვის შემდეგ დიდი დროა გასული.

არ ვიცი, ამ წიგნმა მაღაზიაში რით მიიქცია ჩემი ყურადღება (ალბათ უფრო ყდით, რომელზეც ჟორჟ სიერას ნახატია გამოსახული), რადგან ავტორის სახელი – პეტერ შტამი – არაფერს მეუბნებოდა. შტამი შვეიცარიელია, დაიბადა 1963 წელს. პროფესიით ფსიქოლოგი და ფსიქოპათოლოგიის სპეციალისტია, რაც იგრძნობა მისი პერსონაჟების გაცნობისას – კარგად ხატავს ადამიანების ფსიქო-ემოციურ პორტრეტებს.
ავტორის ეს სადებიუტო რომანი უფრო ვრცელი მოთხრობაა, ვიდრე რომანი. "აგნესს" სულ სამი მოქმედი გმირი ჰყავს – ერთი მამაკაცი და ორი ქალი; მოთხრობილი ისტორიაც, ცხადია, სასიყვარულოა. ალბათ უნდა აღინიშნოს ისიც, რომ შტამის ენა ძალიან მარტივია – ტექსტს მოკლე წინადადებებით აგებს, ყოველგვარი "სამკაულის" გარეშე.

"აგნესი" სამი-ოთხი წლის წინ წავიკითხე – ერთ-ერთი პირველია მეტროში წაკითხული წიგნებიდან. ახლა არ ვიცი, როგორ შევაფასებდი, ამიტომ იმდროინდელ ემოციას დავეყრდნობი და 4 ქულას დავუწერ. ქართულ გამოცემაში, რომანის გარდა, რამდენიმე მოთხრობაც არის შესული.

>აუდიო

No comments: